Muling ipinakilala ng Department of Science and Technology-Food and Nutrition Research Regional Office 1 sa publiko ang binuo nilang Tubig Talino kasabay ng kaliwa’t- kanang paalala ng Department of Health ng palagiang pag-inom ng tubig ngayong tag-init.
Ayon sa tanggapan, ang Tubig Talino ay mayaman sa iodine at isang solusyon upang labanan ang suliranin sa iodine deficiency ng bansa.
Mula sa purified o ordinaryong potable water hinaluan ito ng Water Plus 2 at nagreresulta sa mas magandang kalusugan at iodine intake ng bawat indibidwal.
Dagdag ng DOST-FNR, nakakatalino ang Tubig Talino sapagkat ang iodine ay nakakapagpatalas ng isipan. Ligtas din itong inumin sapagkat ito ay malinis.
Sa katunayan, ang tubig talino ay ginagamit sa iba’t-ibang health and community projects ng DOST. Maaari din itong gamitin sa nutrition intervention programs at disaster relief packs. |𝙞𝙛𝙢𝙣𝙚𝙬𝙨
