Patong-patong na kaso na ngayon ang kinakaharap ng isang wanted person sa bayan ng Malasiqui matapos itong mahulian pa ng ilang sachet ng hinihinalang shabu maging ng marijuana.
Ang akusado ay nakilalang si Jhon Mark Ramos residente ng Brgy Polong Sur sa nasabing bayan.
Isisilbi sana ang warrant of arrest laban sa suspek sa kasong Robbery at nang nagsagawa ng body search ang mga kapulisan ay tumambad sa kanila ang tatlumput limang Sachet ng hinihinalang shabu na tumitimbang ng 6.8 grams at nagkakahalaga ng mahigit ₱46k kasama pa ang Isang plastic na naglalaman ng pinatuyong dahon ng marijuana na tumitimbang ng mahigit 65 grams at nagkakahalaga ng halos walong libong piso.
Inihahanda na ngayon ang dagdag na kasong isasampa laban sa suspek. |𝙞𝙛𝙢𝙣𝙚𝙬𝙨
