𝗔𝗟𝗔𝗠𝗜𝗡𝗢𝗦 𝗖𝗜𝗧𝗬 𝗡𝗔𝗧𝗜𝗢𝗡𝗔𝗟 𝗛𝗜𝗚𝗛 𝗦𝗖𝗛𝗢𝗢𝗟, 𝗕𝗜𝗡𝗨𝗟𝗔𝗕𝗢𝗚 𝗡𝗚 𝗕𝗢𝗠𝗕 𝗧𝗛𝗥𝗘𝗔𝗧

Nagulantang ang mga kawani at mag-aaral ng Alaminos City National High School matapos makatanggap ng bomb threat kahapon.

Kinansela ang face-to-face classes at pinauwi ang mga estudyante bilang pagtitiyak sa kaligtasan ng lahat.

Walang klarong pahayag ang paaralan kung saan nanggaling ang bomb threat ngunit ilan sa mga magulang ay humingi ng transparency sa totoong nangyari matapos umanong mabalitaan na may natagpuang granada sa loob ng paaralan.

Sa isinagawang operasyon ng Alaminos PNP Explosives and Operations Division at CDRRMO, negatibo mula sa anumang banta o presensya ng pampasabog ang buong bisinidad ng paaralan.

Samantala, ilang magulang ang nagmungkahi na pansamantalang magsagawa ng modular learning sa halip na face-to-face upang mapanatag sa kaligtasan ng kanilang mga anak. |𝙞𝙛𝙢𝙣𝙚𝙬𝙨