𝗕𝗔𝗚𝗢𝗡𝗚 𝗞𝗪𝗔𝗟𝗜𝗣𝗜𝗞𝗔𝗗𝗢𝗡𝗚 𝗕𝗘𝗡𝗘𝗣𝗜𝗦𝗬𝗔𝗥𝗬𝗢 𝗡𝗚 𝗧𝗨𝗟𝗢𝗡𝗚 𝗣𝗜𝗡𝗔𝗡𝗦𝗬𝗔𝗟, 𝗡𝗔𝗦𝗔 𝗛𝗔𝗟𝗢𝗦 𝟯𝗞

Nasa halos tatlong libo ang bagong mga kwalipikadong benepisyaryo ng iba’t-ibang programang hatid ang tulong pinansyal sa Dagupan City.

Nauna nang nakatanggap ang nasa isang daang dalawampu’t-isa (121) benepisyaryo ng financial assistance ngayong araw.

Naganap din ang profiling ng nasa anim na raan (600) na DSWD beneficiaries sa ilalim ng programang Assistance to Individuals in Crisis Situation o AICS.

Nasa higit dalawang libo (2, 000) naman ang napabilang sa mga tumanggap ng cash assistance sa ilalim ng Pantawid Pamilyang Pilipino Program (4Ps) ng ahensyang DSWD.

Kasunod ang mga nasabing pamamahagi sa umiiral na social services ng Dagupan City maging ang pagiging kaisa ng lokal na pamahalaan sa UN Sustainable Development Goals.

Layon nitong matulungan ang mga Dagupeños partikular ang mga higit nangangailangan sa kanilang gastusin lalo na at nararanasan sa ngayon ang pagtaas sa presyo ng pangunahing mga bilihin. |𝙞𝙛𝙢𝙣𝙚𝙬𝙨