𝗕𝗔𝗡𝗚𝗞𝗔𝗬 𝗡𝗚 𝗕𝗜𝗡𝗔𝗧𝗜𝗟𝗬𝗢 𝗡𝗔 𝗡𝗔𝗟𝗨𝗡𝗢𝗗 𝗦𝗔 𝗠𝗢𝗨𝗡𝗧𝗔𝗜𝗡 𝗣𝗥𝗢𝗩𝗜𝗡𝗖𝗘, 𝗡𝗔𝗥𝗘𝗞𝗢𝗕𝗘𝗥 𝗡𝗔

CAUAYAN CITY- Natagpuan na ang katawan ng binatilyong nalunod kamakailan sa Amlosong- Hydro Area sa bayan ng Bontoc, probinsya ng Mountain Province.

Kinilala ang biktima na si Juneil Crey Liwaliw Bagwan, 14-anyos, at residente ng nasabing bayan.

Matatandaang nalunod ang biktima noong ika-31 ng Oktubre sa Dawdawan, Supang, Sabangan, Mountain Province kung saan tinangay ito ng rumaragasang tubig habang tumatawid sa nasabing ilog.

Agad namang nagsagawa ng search and retrieval operation ang mga otoridad upang hanapin ang biktima.

Samantala, ang impormasyon na ito ay kinumpirma ng Bontoc Municipal Police Station at Chakchakan Community Volunteers.