Matumal pa rin ang bentahan ng christmas lantern sa kahabaan ng Brgy. Caranglaan, Dagupan City, Pangasinan.
Sa eksklusibong panayam ng IFM News Dagupan sa ilang negosyante, mahina ang bentahan ng parol ngayon kung ikukumpara noong nakaraang taon.
Bukod sa pagtaas ng presyo ng mga materyales sa paggawa ng parol, isa rin umanong maaring dahilan ang isinasagawang road elevation sa bahagi ng Brgy. Caranglaan.
Pinakamababa ang P1, 000 na small size lighted christmas lantern habang hanggang P6, 000 ang pinakamalaking maaring mabili dito.
Sa kabila nito, hindi pa rin nagtataas ng presyo sa bentahan ang mga ito upang agad mauubos ang kanilang tinda.
Inaasahan umano na lalakas ang bentahan nito sa pagsapit ng November 15 kung saan tatanggap ang maraming empleyado ng christmas bonus. |𝙞𝙛𝙢𝙣𝙚𝙬𝙨
