‘𝗕𝗜𝗚𝗔𝗦 𝟮𝟵’ 𝗡𝗚 𝗡𝗙𝗔, 𝗧𝗔𝗥𝗚𝗘𝗧 𝗜𝗟𝗨𝗡𝗦𝗔𝗗 𝗡𝗚𝗔𝗬𝗢𝗡𝗚 𝗛𝗨𝗟𝗬𝗢

CAUAYAN CITY – Pinaghahandaan na ng National Food and Authority ang paglulunsad ngayong buwan ng Hulyo ng kanilang programang “Bigas 29′.

Matatandaan na ang programang ito ay may layuning maibenta sa murang halaga ang mga bigas na nakaimbak sa pasilidad ng NFA.

Ang tawag sa mga ito ay aging buffer stock rice.

Gayunman, sinabi naman ng ahensya na bago ilabas sa merkado ay sisiyasatin at titiyakin ng NFA na ligtas itong makonsumo ng mga mamimili.

Unang target na buksan ang programang ito ay sa mga vulnerable sectors o mga taong hirap sa buhay katulad na lamang ng mga senior citizens, pwds, at solo parents.