𝗗𝗢𝗛 𝗜𝗟𝗢𝗖𝗢𝗦 𝗥𝗘𝗚𝗜𝗢𝗡, 𝗣𝗜𝗡𝗔𝗪𝗜 𝗔𝗡𝗚 𝗣𝗔𝗡𝗚𝗔𝗠𝗕𝗔 𝗡𝗚 𝗠𝗚𝗔 𝗠𝗔𝗚𝗨𝗟𝗔𝗡𝗚 𝗦𝗔 𝗜𝗠𝗣𝗟𝗘𝗠𝗘𝗡𝗧𝗔𝗦𝗬𝗢𝗡 𝗡𝗚 𝗕𝗔𝗞𝗨𝗡𝗔 𝗘𝗦𝗞𝗪𝗘𝗟𝗔

Pinawi ng Department of Health Ilocos Region ang pangamba ng mga magulang kaugnay sa mga bakunang itinuturok sa mga bata alinsunod sa paglunsad ng Bakuna Eskwela ng kagawaran.

Ayon kaya Ilocos Region R1MC Dr. Marvin Callanta, ang mga bakuna sa ilalim ng programa o mga bakuna kontra Measles-Rubella, Tetanus-Diptheria at HPV ay ligtas upang malabanan ang posibleng banta nito sa kalusugan ng mga bata at kabataan.

Paglilinaw nito sa mga may agam-agam na magulang bagamat nabakunahan na dati ang mga bata, maaaring magsilbi itong booster.

Pinabulaanan din nito na hindi maooverdose ang mga bata sa pagtuturok ng bakuna.

Nauna nang sinabi ng kagawaran na epektibo ang mga bakuna at may layong maprotektahan laban sa mga vaccine-preventable diseases.

Samantala, ilang mga pampublikong paaralan sa mga bayan at lungsod sa rehiyon ang naglunsad na ng Bakuna Eskwela. |𝙞𝙛𝙢𝙣𝙚𝙬𝙨