Sa unang meeting ngayong taong 2024 sa mga representante ng Department of Public Works and Highways (DPWH) at kanilang kontraktor, tiniyak na matatapos ang kanilang proyekto sa AB Fernandez Ave. (March 15, 2024), Arellano St. (March 30, 2024), at MH Del Pilar St., April 15, 2024.
Kaya naman, ngayong January 6, Sabado, ay ipatutupad na rin ng Public Order & Safety Office (POSO) na pinangungunahan ni Arvin Decano ang bagong traffic rerouting scheme sa downtown business district upang mapabilis ang konstruksiyon.
Samantala, hiningi naman ng lokal na pamahalaan ang koordinasyon ng bawat sektor upang organisado at masiguro na walang magiging delay sa naturang proyekto.
Gayunpaman, nakaantabay ang mga utility companies upang tiyakin na walang nakaharang na mga kable ng kuryente, linya ng tubig, at mga telecommunication wires.
Ayon pa sa LGU, aalisin na rin, anila, ang mga harang na inilagay sa sidewalks dahil babantayan na ito, diumano ng Task Force Anti-littering at ng POSO, na siyang mamamahla sa kaayusan ng trapiko.
Naghayag naman ng suporta ang mga pribadong sektor at mga negosyanteng nakapuwesto na nadaraanan ng naturang proyekto, pahayag din nilang nauunawan nila na ito’y isang flood mitigation measure na mpapakinabangan sa lungsod. |𝙞𝙛𝙢𝙣𝙚𝙬𝙨
