CAUAYAN CITY – Sa kulungan ang bagsak ng isang lalaki matapos itong makuhanan ng kilo-kilong marijuana sa Brgy. Santor Rizal, Kalinga, kamakailan.
Kinilala ang suspek na si alyas Arnel, nasa hustong gulang, at residente ng nabanggit na Barangay.
Sa bisa ng inimplementang search warrant, nakuha mula sa posesyon ng suspek ang walong (8) bricks ng marijuana leaves at stalks, tatlong (3) tubular form, dalawang (2) sako ng hinihinalang marijuana leaves at stalks na umabot sa 29.3 kilos, dalawang (2) maliit na bote ng hinihinalang marijuana oil, timbangan, at baril.
Samantala, bukod sa Kapulisan ng Kalinga, kasama rin sa nag implementa ng operasyon ang PDEA-NCR dahil pinaniniwalaang dito umano nagmumula ang mga marijuanang ibinebenta sa lungsod ng Maynila.
