Patuloy na nararanasan sa bansa ang epektong dulot ng umiiral na El Niño Phenomenon at inaasahang magtatagal ito hanggang sa unang quarter ng taong 2024.
Sa lalawigan ng Pangasinan, kaliwa’t kanang mga magsasaka ang patuloy na iniinda ang dulot nito partikular sa sektor ng agrikultura kung saan napapaulat na ilang mga sakahan ay nararanasan ang pagkasira ng mga pananim, maging panunuyo ng mga lupain.
Kasabay pa nito ang suliranin sa pagtaas sa presyo ng farm gate price ng ilang produkto maging ang pest infestation na talamak sa panahon ngayon.
Kabilang naman sa mga bayang tinututukan ngayon ng National Irrigation Administration (NIA) Pangasinan dahil sa El Niño ay ang mga Calasiao, Malasiqui, Sta. Barbara, Mangaldan, Rosales at Sto. Tomas na inaasahang mas kabilang sa mga magiging pinakaapektado nito.
Samantala, nananatili pa ring nakararanas ng tagtuyot ang lalawigan. |𝙞𝙛𝙢𝙣𝙚𝙬𝙨
