𝗘𝗫𝗣𝗟𝗢𝗦𝗜𝗩𝗘 𝗢𝗥𝗗𝗡𝗔𝗡𝗖𝗘 𝗥𝗘𝗖𝗢𝗡𝗡𝗔𝗜𝗦𝗦𝗔𝗡𝗖𝗘 𝗔𝗚𝗘𝗡𝗧 𝗧𝗥𝗔𝗜𝗡𝗜𝗡𝗚, 𝗡𝗔𝗧𝗔𝗣𝗢𝗦 𝗡𝗔

CAUAYAN CITY – Natapos ng Philippine Coast Guard District North Eastern Luzon (CGDNELZN) ang kanilang pagsasanay sa Explosive Ordnance Reconnaissance Agent (EORA) CL 01-2024 na ginanap sa Coast Guard Satellite Building sa Carig Sur, Tuguegarao City, Cagayan.

Nakilahok sa pagsasanay ang 67 officers at non-officers mula sa iba’t ibang units, stations, at substations ng CGDNELZN.

Sumabak sa iba’t ibang aktibidad ang mga kalahok kung saan natutunan nila ang mga uri, gamit, epekto at safety measures sa paggamit ng mga explosive devices.

Inaasahan na malaki ang maitutulong ng isinagawang pagsasanay para sa pagiging handa ng Coast Guards sa oras ng pangangailangan katulad ng mga sakuna at kalamidad.