𝗚𝗔𝗚𝗔𝗕𝗨𝗧𝗔𝗡, 𝗣𝗔𝗧𝗨𝗟𝗢𝗬 𝗔𝗡𝗚 𝗣𝗔𝗚𝗥𝗘𝗞𝗢𝗕𝗘𝗥 𝗦𝗔 𝗕𝗔𝗚𝗬𝗢𝗡𝗚 𝗨𝗪𝗔𝗡

CAUAYAN CITY – UNTI-UNTI PA RING BUMABANGON ANG MGA RESIDENTE NG BARANGAY GAGABUTAN SA CAUAYAN CITY MATAPOS ANG PINSALANG IDINULOT NG BAGYONG UWAN NITONG NAGDAANG LINGGO.

SA PANAYAM NG IFM NEWS TEAM KAY KAGAWAD ROLITO TAMBAOAN, SINABI NITONG ABALA PA RIN ANG MGA MAMAMAYAN SA PAGLILINIS NG KANILANG MGA TAHANAN NA WINASAK NG MALAKAS NA ULAN AT PAGBAHA.

DAGDAG PA NI TAMBAOAN, NAGSASAGAWA RIN SILA NG PAGPUTOL SA MGA NATUMBANG PUNO AT SANGA NA NAKASABIT AT NAKAHARANG SA MGA LINYA NG KURYENTE UPANG MAIWASAN ANG ANUMANG PANGANIB.

IBINAHAGI RIN NIYA ANG KANILANG PANGHIHINAYANG SA MGA TANIM NA GULAY NA NALUBOG SA BAHA. AYON SA KANYA, NASA YUGTO NA NG PAMUMULAKLAK ANG MGA ITO AT ILANG BUWAN NA LANG SANA AY MAAARI NA ITONG ANIHIN.

SA KABILA NG PINSALA, NANANATILING POSITIBO SI KAGAWAD TAMBAOAN NA SA PAMAMAGITAN NG PAGTUTULUNGAN NG BAWAT RESIDENTE, MULING MAKAKABANGON ANG BARANGAY GAGABUTAN MULA SA SINAPIT NA KALAMIDAD.