CAUAYAN CITY – Nilagdaan nina Isabela Governor Rodito Albano III at Mountain Province Governor Bonifacio Lacwasan ang isang Memorandum of Agreement (MOA) para sa pagpapalakas ng imprastrakturang pang-agrikultura at ugnayan ng dalawang nabanggit na probinsya sa Balai Capitol Compound sa Lungsod ng Ilagan, Isabela.
Saklaw ng kasunduan ang pagpapagawa ng Malamtan-Bitabit-Catao Farm-to-Market Road kung saan ay nag-uugnay ito sa bayan ng Paracelis, Mountain Province at barangay Dunmon, Quezon, Isabela.
Siniguro naman ng dalawang gobernador ang kanilang suporta sa nasabing proyekto para sa pag-unlad ng sektor ng agrikultura sa parehong lalawigan.
Ang inisyatibong ito ay bahagi ng Infrastructure Development (I-BUILD) sa ilalim ng Department of Agriculture-Philippine Rural Development Project (DA-PRDP).
