Kung may brigada eskwela, mayroon ding tinatawag na Brigada Undas.
Ang grupo ng kabataan sa Umingan nagsama-sama upang maglinis sa puntod ng mga yumao sa mga sementeryo ng bayan.
Tulong na umano ng grupong “Brotherhood Umingan” sa kanilang mga kapwa residente ang paglilinis ng mga puntod sa Sementeryo upang hindi na mahirapan pa ang ilang dadalaw.
Kahit hindi umano nila kamag-anak o kaano ano ang nililinis ang puntod pagpapakita ito ng pagmamalasakit sa bawat Isa.
Maliban sa paglilinis sa puntod taon taon rin umanong namimigay ng libreng lugaw, tsinelas at tubig sa mga dadalaw sa Sementeryo sa darating na November 1.
Taong 2019 nang simulan ng grupo ang naturang adbokasiya na ikinatuwa ng ilang residente dahil namumulat ang mga kabataan sa bayan sa pagtulong sa kapwa at komunidad.
Sa ngayon NASA 100 na ang miyembro nito na aktibo sa pagtulong sa mga nangangailangan.
Taong 2022 nang parangalan ang samahan ng “Masanting Award” ng Pangasinan Red Cross 2022 dahil sa patuloy na dedikasyon sa pagdodonate ng dugo. |𝙞𝙛𝙢𝙣𝙚𝙬𝙨
