CAUAYAN CITY – SINIBAK SA PUWESTO ANG ISANG HEPE NG PULISYA SA LALAWIGAN NG NUEVA VIZCAYA MATAPOS MADISKUBRE ANG TALAMAK NA OPERASYON NG ILEGAL NA SUGAL SA KANYANG NASASAKUPAN, SA KABILA NG PINAIGTING NA KAMPANYA NG KAPULISAN LABAN DITO.
KAUGNAY NITO, NAGLABAS NG BABALA ANG POLICE REGIONAL OFFICE 2 (PRO2) LABAN SA LAHAT NG INDIBIDWAL NA PATULOY NA LALABAG SA BATAS NA NAGBABAWAL SA ILEGAL NA SUGAL SA ILALIM NG REPUBLIC ACT NO. 9287.
AYON SA PRO2, PAIIGTINGIN NG KAPULISAN ANG MGA OPERASYON UPANG MAHULI AT KASUHAN ANG SINUMANG LALABAG SA BATAS.
IGINIIT PA NG PRO2 NA SERYOSO NILANG IPINATUTUPAD ANG “NO TAKE POLICY” NA KUNG SAAN ISA ITONG PATAKARANG NAGLALAYONG MAPANATILI ANG INTEGRIDAD, KATAPATAN, AT KREDIBILIDAD NG SERBISYO PUBLIKO.
NANAWAGAN DIN ANG KAPULISAN SA PUBLIKO NA MAKIPAGTULUNGAN SA MGA AWTORIDAD AT AGAD IREPORT ANG ANUMANG IMPORMASYON KAUGNAY NG ILEGAL NA SUGAL UPANG MAPANATILI ANG KAPAYAPAAN AT KAAYUSAN SA BUONG REHIYON.
