𝗜𝗟𝗔𝗡𝗚 𝗕𝗔𝗛𝗔𝗚𝗜 𝗡𝗚 𝗣𝗔𝗡𝗚𝗔𝗦𝗜𝗡𝗔𝗡, 𝗡𝗔𝗞𝗔𝗥𝗔𝗥𝗔𝗡𝗔𝗦 𝗡𝗚 𝗣𝗔𝗚-𝗨𝗨𝗟𝗔𝗡 𝗦𝗔 𝗚𝗜𝗧𝗡𝗔 𝗡𝗚 𝗠𝗔𝗧𝗔𝗔𝗦 𝗡𝗔 𝗛𝗘𝗔𝗧 𝗜𝗡𝗗𝗘𝗫 𝗙𝗢𝗥𝗘𝗖𝗔𝗦𝗧

Nakararanas ng pag-uulan simula pa kahapon ang iba’t-ibang bahagi sa lalawigan ng Pangasinan sa gitna ng 44°C o mataas na heat index forecast na naitala ng PAGASA ngayong araw.

Nauna nang ipinahayag ng weather bureau na malaking bahagi ng Northern Luzon ang posibleng uulanin ngayong linggo partikular sa Ilocos Provinces, Cagayan Valley, Cordillera Administrative Region at Aurora dala ng Frontal System.

Dagdag pa ng ahensya na kasalukuyang nakakaranas ngayon ang bansa ng monsoon break.

Samantala, matatandaan din na nasa isa hanggang dalawang bagyo ang inaasahang papasok sa Philippine Area of Responsibility (PAR) ngayong buwan ng Hunyo. |𝙞𝙛𝙢𝙣𝙚𝙬𝙨