CAUAYAN CITY – NAGKAROON NA NG SUPLAY NG KURYENTE ANG WEST TABACAL, ILANG BAHAGI NG EAST TABACAL, TANAP REGION, AT POBLACION AREA MATAPOS ANG ILANG ARAW NG BROWNOUT DULOT NG NAGDAANG PAGBAHA.
AYON KAY MAYOR CAESAR S. DY, JR., PATULOY ANG PAMAHALAANG PANLUNGSOD SA PAGBIBIGAY-TULONG SA MGA BARANGAY NA MATINDING NAAPEKTUHAN NG NAGDAANG BAGYONG UWAN.
DAGDAG PA NG ALKALDE, KANILANG IHIHILING SA NATIONAL GOVERNMENT ANG PAGDARAGDAG NG MGA EVACUATION CENTER SA LUNGSOD UPANG MAS MAPANGALAGAAN ANG MGA RESIDENTE, LALO NA SA MGA LUGAR NA MABILIS BAHAIN.
INIHAYAG DIN NI MAYOR DY NA INAASAHANG MAGSISIMULA NA SA KATAPUSAN NG NOBYEMBRE O UNANG BAHAGI NG DISYEMBRE ANG PAGKUKUMPUNI NG DAAN MULA BARANGAY LABINAB PATUNGONG BARANGAY SANTA LUCIANA.
KASABAY NITO, HUMILING SIYA NG PANG-UNAWA MULA SA MGA CAUAYEÑOS HABANG ISINASAGAWA ANG MGA PROYEKTO SA KALSADA, IPINALIWANAG NIYANG KAILANGANG HINTAYIN ANG 45-DAY CURING PERIOD NG SEMENTO UPANG MATIYAK ANG TIBAY AT MAIWASAN ANG MADALING PAGKASIRA NG KALSADA.
