Pagkatapos ng salubong ng bagong taon, ilan sa mga PUV drivers sa lalawigan ng Pangasinan ay hindi muna nagpatuloy sa trabahong pamamasada.
Nakapasada break, daw ang mga ito bilang selebrasyon at pahinga na rin matapos nang nagdaang mga araw kasunod ng mga selebrasyon.
Ayon sa mga drivers, hindi raw biro ang naging problema ng transport sector ngayong taon lalo na ukol sa usapin ng unstable na presyo ng krudo na nakakaapekto sa kanilang arawang kita at ang pinakapangamba ng mga ito – ang isinusulong na PUV Modernization Program.
Sa sunod na araw na lamang umano muling papasada ang mga ito dahil piniling ipagdiwang ang unang araw ng taong 2024 sa kani-kanilang mga pamilya.
Samantala, dulot ng konting bilang ng mga pumasadang pampublikong sasakyan ay ang maluwag na kakalsadahan sa lalawigan. |𝙞𝙛𝙢𝙣𝙚𝙬𝙨
