Nagdeklara na ang ilang lokal na pamahalaan sa lalawigan ng Pangasinan ng suspensyon ng Face-to-Face classes sa lahat ng antas sa parehong pampubliko at pribadong paaralan bunsod ng patuloy na nararanasang mainit na panahon.
Kabilang sa mga LGUs na ito ay ang mga bayan ng Sison, San Fabian, Manaoag, Binmaley, Calasiao, Urdaneta, Villasis, San Carlos, Bautista.
Ilang LGUs naman tulad ng Pozorrubio, Laoac at Malasiqui ay napabilang naman sa mga may class suspension ng hanggang Senior High School.
Bilang alternatibo sa face-to-face class suspension, diskresyon ng mga school heads ang ipapatupad na learning delivery mode upang magpatuloy pa rin ang pag-aaral ng mga estudyante.
Samantala, inaasahang nasa 43°C ang heat index forecast na naitala ng PAGASA sa lalawigan ng Pangasinan. |𝙞𝙛𝙢𝙣𝙚𝙬𝙨
