Madalas ngayon ang paglilinis ng ilang residente sa Dagupan City sa kanilang mga kapaligiran bilang hakbang at suporta sa kampanya ng kagawaran ng kalusugan at ng LGU kontra dengue.
Ito ay matapos makapagtala na ng nasa apatnapu’t isang kaso ng dengue ang lungsod simula buwan ng January hanggang June ngayong taon.
Ang ilan sa mga nakatira sa island barangay, sinisiguro umanong nalilinisan ang kasulok-sulokan ng kanilang kabahayan at bakuran lalo at napapalibutan sila ng tubig na maaaring pamugaran ng lamok na may dalang dengue.
Patuloy naman ang pagbibigay paalala ng kagawaran ng kalusugan ukol sa tamang pangangalaga rin sa katawan at kung makaranas man ng sintomas ng naturang sakit ay agad nang pumunta sa pinakamalapit na ospital upang maagapan. |𝙞𝙛𝙢𝙣𝙚𝙬𝙨
