Ang biktima ay nakilalang si Edwin Lopez, 34 anyos at residente ng nasabing barangay.
Sa panayam ng IFM News Dagupan kay DCPS Operations Officer PLt. Jesus Manaois, puspusang isinasagawa ang backtracking upang matukoy ang pinagmulan ng suspek.
Aniya, isa pa sa tinitignang anggulo sa ngayon ay kung may posibleng kaalitan ang ka-relyebo niyang kapwa tricycle driver.
Sa kanilang imbestigasyon, mabuti umanong tao ang biktima ayon na rin sa kanyang mga kabarangay.
Si Lopez ay pinagbabaril noong ika-22 ng Nobyembre na nagresulta sa agarang pagkamatay nito.
Narekober sa pinangyarihan ng insidente ang limang basyo ng bala ng hinihinalang 9mm na baril.
Samantala, Ang lalaking suspek ay nakitang nakasuot ng sky-blue T-shirt, maong pants at lulan ng isang itim na motorsiklo sa araw ng nasabing insidente. |𝙞𝙛𝙢𝙣𝙚𝙬𝙨
