Iginiit ng Department of Health-Center for Health Development Ilocos (DOH-CHD 1) ang kahalagahan ng regular na pag-eehersisyo ng isang indibidwal upang makaiwas sa diabetes kasabay ng paggunita sa Diabetes Awareness Week.
Ayon sa kagawaran, makatutulong ang pagkakaroon ng aktibong gawain o mga pisikal na aktibidad ang pangangatawan upang mapababa ang tsansa ng diabetes.
Kapag hindi umano nakapag-produce ng sapat na insulin ang katawan ay maaaring maipon ang glucose sa dugo at humantong sa high blood sugar levels at madevelop bilang diabetes kung ito ay napabayaan.
Maaari din na madamay nito ang iba pang mahahalagang parte ng katawan gaya ng puso, bato, mata, at paa. Payo ngayon ng kagawaran ang pagkakaroon ng masustansyang pangangalaga sa katawan, pag eehersisyo at pag monitor sa timbang. |𝙞𝙛𝙢𝙣𝙚𝙬𝙨
