Nailikas ang nasa halos dalawang daang mga residente sa Alaminos City bilang paghahanda sa epekto ni Bagyong Kristine. Mula ang mga evacuees sa Brgy. Mona at Pangapisan na pawang mga coastal barangays sa lungsod.
Kaugnay nito, tiniyak ng Alaminos City Disaster Risk Reduction Management Council ang kahandaan ng kanilang pamunuan partikular ang response cluster ng tanggapan.
Patuloy ang pagsasagawa ng roving operation at pre-emptive evacuation ng lokal na pamahalaan lalo na sa mga posibleng makaranas pa ng banta ng bagyo.
Muling hinimok ng awtoridad ang publiko na magtungo ang mga apektadong residente sa pinakamalapit na Evacuation Center ngayong nararamdaman ang mas lumalakas na hangin kasabay pa ng pagkawala ng kuryente.
Tiniyak din ang tulong mula sa LGU ng mga residenteng wala sa evacuation centers ngunit apektado ng bagyo. |𝙞𝙛𝙢𝙣𝙚𝙬𝙨
