𝗞𝗔𝗟𝗨𝗦𝗨𝗚𝗔𝗡 𝗔𝗧 𝗞𝗔𝗟𝗜𝗚𝗧𝗔𝗦𝗔𝗡 𝗙𝗢𝗥 𝗔𝗟𝗟 𝗦𝗔 𝗗𝗔𝗚𝗨𝗣𝗔𝗡 𝗖𝗜𝗧𝗬, 𝗣𝗔𝗧𝗨𝗟𝗢𝗬 𝗡𝗔 𝗜𝗦𝗜𝗡𝗜𝗦𝗨𝗟𝗢𝗡𝗚

Patuloy na isinusulong ngayon sa lungsod ng Dagupan ang kailanlamang inilunsad na Kalusugan at Kaligtasan for All, hatid ang libreng mga bakuna para sa mga Dagupeño.

Saklaw nito ang pagtuturok ng libreng flu at pneumonia vaccine para sa mga residente sa nasabing lungsod.

Nauna nang naging benepisyaryo ang mga residente mula sa Barangay 2 & 3, Caranglaan at Lucao at sa kasalukuyan, umaraangkada ito sa Barangay Mayombo at Barangay Bonuan Gueset.

Layon nitong makaiwas sa mga sakit dulot mga respiratory illnesses tulad ng influenza-like illnesses na nagkaroon ng mataas na kaso sa lalawigan.

Samantala, dala ang libreng bakuna sa tatlumpo’t-isang barangay sa Dagupan at mga senior citizens bilang prayoridad na maturukan ng naturang bakuna. |𝙞𝙛𝙢𝙣𝙚𝙬𝙨