Maingay, makulay, at masaya ang naging selebrasyon ng kauna-unahang Halloween Street Party sa bayan ng Mangaldan na ginanap sa kanilang town Plaza.
Suot ang kanya kanyang Halloween costume, napaindak ang mga residente sa bayan na sinabayan ng live band.
Maliban naman dito, naging daan rin ang nasabing street party upang maipakita ng lokal na pamahalaan ang suporta nito sa mga negosyanteng kabilang sa micro, small, and medium enterprises o MSMEs dahil sa food stalls na nakahilera sa kahabaan ng Rizal Avenue.
Samantala, bago ang naturang street party sa gabi ay nagkaroon muna ng taunang Halloween Costume Competition para sa mga bata at matatanda.
Nag-uwi ng P5,000 cash ang nanalo sa adult category at P3,000 naman sa kids and teens category. |𝙞𝙛𝙢𝙣𝙚𝙬𝙨
