𝗞𝗢𝗧𝗦𝗘, 𝗡𝗔𝗦𝗨𝗡𝗢𝗚 𝗛𝗔𝗕𝗔𝗡𝗚 𝗨𝗠𝗔𝗔𝗡𝗗𝗔𝗥 𝗦𝗔 𝗧𝗨𝗟𝗜𝗔𝗢, 𝗦𝗧𝗔. 𝗕𝗔𝗥𝗕𝗔𝗥𝗔

Sa nakuhang impormasyon ng IFM News Dagupan sa BFP Sta. Barbara, pasado alas 9:46 nang sumiklab ang sasakyan.

Ayon pa sa BFP, limang katao ang sakay ng sasakyan kung saan galing ang mga ito sa kanilang pinsan sa bayan ng Binmaley.

Pauwi na sana ang mga ito sa Marikina ngunit ito ang nangyari.

Sa panayam naman ng IFM Dagupan sa may kuha ng video, matulin ang takbo ng nasunog na kotse kung saan nag-overtake ito sa kasunuran nitong isa pang kotse.

Napansin umano ng driver ng inorvertake-an na kotse na nasusunog na ang bahagi ng tambutso hanggang sa tuluyang nagliyab at sa kabutihang palad nakalabas agad ang limang sakay nito.

Agad namang narespondehan ng awtoridad ang insidente at naapula naman ito pasado alas 9:49 noong ika-2 ng enero. |𝙞𝙛𝙢𝙣𝙚𝙬𝙨