𝗟𝗘𝗖𝗧𝗨𝗥𝗘 𝗨𝗞𝗢𝗟 𝗕𝗢𝗠𝗕 𝗧𝗛𝗥𝗘𝗔𝗧 𝗔𝗪𝗔𝗥𝗘𝗡𝗘𝗦𝗦 𝗣𝗔𝗥𝗔 𝗦𝗔 𝗠𝗚𝗔 𝗘𝗦𝗧𝗨𝗗𝗬𝗔𝗡𝗧𝗘 𝗦𝗔 𝗗𝗔𝗚𝗨𝗣𝗔𝗡 𝗖𝗜𝗧𝗬, 𝗜𝗦𝗜𝗡𝗔𝗚𝗔𝗪𝗔 𝗡𝗚 𝗣𝗡𝗣

Matagumpay na pinangunahan ng Dagupan City Police Station ang isang aktibidad sa Bonuan Boquig National High sa lungsod ang isang Bomb Threat Lecture and Awareness.

Dumalo ang mga mag-aaral dito maging ng kaguruan para sa aktibidad ng kapulisan bilang bahagi ng kanilang programa na KASIMBAYANAN sa Paaralan.

Ayon sa mga awtoridad hindi biro ang pagpapakalat ng isang Bomb Threat sa mga pampublikong lugar dahil maaari itong pagmulan ng disgrasya at panic sa mga tao.

Sa ilalim ng batas, maaaring mapatawan ng kaso ang sinumang mapapatunayang nagpakalat ng ganitong senaryo kung saan base sa Presidential Decree 1727, ipinagbabawal ang pagkakalat ng mga bomb threat, mga Paliparan, mga eskwelahan o mga libangan tulad ng mga mall at marami pang iba.

Hindi lalagpas sa limang taong pagkakakulong at hindi lalagpas sa P40,000 na multa ang maaaring kaharapin ng mapapatunayang nagpakalat ng bomb joke.

Matatandaan na noong ika-6 ng Nobyembre may nagpakalat ng isang Bomb Threat sa isang paaralan sa bayan ng Sta. Barbara na naging sanhi pagsuspinde sa klase. |𝙞𝙛𝙢𝙣𝙚𝙬𝙨