𝗟𝗢𝗟𝗔 𝗦𝗔 𝗜𝗟𝗢𝗖𝗢𝗦 𝗡𝗢𝗥𝗧𝗘, 𝗡𝗜𝗡𝗔𝗞𝗔𝗪𝗔𝗡 𝗛𝗔𝗕𝗔𝗡𝗚 𝗡𝗔𝗧𝗨𝗧𝗨𝗟𝗢𝗚

Ninakawan ang isang 73 anyos na lola sa Laoag City, Ilocos Norte ng nasa mahigit limampung libong halaga ng ilang kagamitan. Ayon sa salaysay, nalingat ito mula sa pagkakatulog matapos mapansin ang isang lalaking may dala-dalang flashlight sa loob mismo ng kanyang bahay.

Nanghingi ng saklolo ang biktima habang tumakas na ang suspek. Sa imbestigasyon, nawawala ang kanyang isang relong nagkakahalaga ng P4, 000, isang kwintas na nagkakahalaga ng PhP48,000.00. limang libong piso at dalawang US dollars.

Naiwan ang isang pulang T-shirt na napag-alamang suot suot umano ng suspek.

Patuloy na iniimbestigahan ang pagkakakilanlan ng suspek. |𝙞𝙛𝙢𝙣𝙚𝙬𝙨