Nakatakdang mapamahagian ang Pamahalaang Panlalawigan ng Pangasinan ng halagang Php3.3M na mga fishery paraphernalia mula sa isang US-based non-profit organization na Winrock International mula sa Arkansas, USA.
Layon nitong mas mapalakas pa ang sektor ng agrikultura ng Pangasinan at bansa sa pamamagitan ng pagkakaroon ng mga nararapat na materyales at kagamitan sa pagpapabuti ng produksyon nito ng sektor.
Saklaw ng maibibigay na fishery paraphernalia ay ang apatnapung (40) sets of seine nets (kalokor), sampung (10) units ng chest freezers, at mga fish processing kits.
Samantala, aprubado na ang resolusyong kaugnay nito sa naganap na Sangguniang Panlalawigan session at nakatakdang lumagda at tanggapin ni Gov. Guico III ang in-kind agreement sa pagsasakatuparan ng nasabing proyekto. |𝙞𝙛𝙢𝙣𝙚𝙬𝙨
