Hinimok ang mga Disaster Risk Reduction Management (DRRM) Council at mga lokal na pamahalaan sa lalawigan ng Pangasinan na mas palawigin at pagbutihin pa ang kahandaan pagdating sa banta ng kalamidad sa probinsya.
Inihayag ni Gov. Guico III ang kahalagahan ng mas pinalakas na disaster preparedness at response kasunod na rin ng naranasang epekto ng Bagyong Carina at habagat, kung saan nagdulot ng higit dalawang daang milyong pinsala sa agrikultura at imprastraktura.
Ito ay naaayon din sa paghahandang kinakailangang ng lalawigan bilang simula ngayong buwan ng Agosto ang posibleng pagdating ng La Niña Phenomenon.
Samantala, isa umano sa nakikitang aksyon o paghahanda laban sa mga hindi maiwasang kalamidad ay ang pagtalima sa tamang pagtatapon ng basura upang maiwasan ang pagbara ng mga ito na maaring magdulot ng pagbaha. |𝙞𝙛𝙢𝙣𝙚𝙬𝙨
