𝗠𝗚𝗔 𝗘𝗦𝗧𝗨𝗗𝗬𝗔𝗡𝗧𝗘 𝗦𝗔 𝗣𝗔𝗡𝗚𝗔𝗦𝗜𝗡𝗔𝗡, 𝗡𝗔𝗚𝗕𝗔𝗕𝗔𝗟𝗜𝗞 𝗡𝗔 𝗦𝗔 𝗞𝗔𝗡𝗜𝗟𝗔𝗡𝗚 𝗠𝗚𝗔 𝗞𝗟𝗔𝗦𝗘 𝗠𝗔𝗧𝗔𝗣𝗢𝗦 𝗔𝗡𝗚 𝗛𝗢𝗟𝗜𝗗𝗔𝗬 𝗦𝗘𝗔𝗦𝗢𝗡

Matapos ang mahigit dalawang linggong bakasyon ng mga mag-aaral sa Pangasinan, nagbabalik na ang mga ito sa kani-kanilang mga klase ngayong 2024.

Matatandaang nagsimula ang bakasyon ng mga estudyante noong ikalawang linggo ng buwan ng Disyembre at ngayong ika-3 ng Enero ang pagbabalik ng pasukan at ito ay nakapailalim sa Department of Education (DepED) Calendar.

Sa pagtatanong-tanong ng IFM Dagupan sa ilang guro sa Pangasinan, inasahan na nilang may mga estudyante pa ring hindi handang pumasok dahil ang iba ay naka-holiday break pa rin.

Dahil dito, hinihimok ng kaguruan ang mga estudyante na bumalik at pumasok na sa kanilang mga klase upang hindi sila mahuli sa kanilang mga aralin sa klase. |𝙞𝙛𝙢𝙣𝙚𝙬𝙨