Nagbigay paalala ang lokal na pamahalaan ng Mangaldan sa mga responsibilidad ng mga interesadong organizers ng medical, dental, surgical at allied missions na sumunod sa mga panuntunan upang maaprobahan ang pagsasagawa sa lugar.
Nauna nang naglabas ng executive order ang lokal na pamahalaan ukol dito noong 2023 at may kahalintulad na kautusan ang napirmahan ngayong 2024 na nagsasaad ng tamang proseso upang awtorisadong makapagsagawa ng medical missions sa Mangaldan.
Ayon kay Dr. Larry Sarito mula sa Municipal Health Office at isya ring Chairman on Special Temporary Permit Committee sa mga medical missions, pareho ang hangarin ng kanilang tanggapan sa mga medical mission na isinasagawa na prayoridad ang taumbayan.
Giit pa niya, hindi pinipigilan o pinagbabawalan ang mga organizers na magsagawa ng aktibidad ngunit kailangan lamang masiguro ang kaligtasan at kaayusan ng taumbayan.
Dagdag naman ng Municipal Administrator, ang pagsunod sa itinakdang panuntunan ay upang makapagbigay ang lokal na pamahalaan ng tulong sa mga ito. |𝙞𝙛𝙢𝙣𝙚𝙬𝙨
