𝗠𝗚𝗔 𝗥𝗘𝗦𝗜𝗗𝗘𝗡𝗧𝗘𝗡𝗚 𝗠𝗔𝗔𝗥𝗜𝗡𝗚 𝗠𝗔𝗔𝗣𝗘𝗞𝗧𝗨𝗛𝗔𝗡 𝗡𝗚 𝗕𝗔𝗚𝗬𝗢𝗡𝗚 𝗣𝗘𝗣𝗜𝗧𝗢 𝗦𝗔 𝗜𝗟𝗢𝗖𝗢𝗦 𝗥𝗘𝗚𝗜𝗢𝗡, 𝗣𝗜𝗡𝗔𝗬𝗨𝗛𝗔𝗡 𝗡𝗔𝗡𝗚 𝗠𝗔𝗔𝗚𝗔𝗡𝗚 𝗣𝗔𝗚𝗟𝗜𝗞𝗔𝗦

Pinalilikas na ang mga residente sa Ilocos Region na maaring maapektuhan ng Bagyong Pepito.

Sa isinagawang pulong ng Office of the Civil defense kasama na ang ilang ahensya at Provincial DRRMs, binigyang diin ni RDRRMC1 Chairperson Laurence Mina, ang maigting na paghahanda sa bagyo.

Hiniling rin nito nang tulong ng iba pang ahensya sa kinakailangang augmentasyon.

Sinabi naman ni Vice Chairman for Disaster Preparedness Jonathan Paul Leusen, kinakailangan magsagawa na ng pre-emptive evacuation ang mga residenteng nakatira sa mga maapektuhan ng bagyo.

Samantala, hindi na inalis sa Red Alert Status ang nakataas sa rehiyon upang patuloy na maantabayan ang pangkalahatang sitwasyon at matiyak ang nararapat na pagtugon sa mga posibleng mangailangang residente sa Region 1. |𝙞𝙛𝙢𝙣𝙚𝙬𝙨