𝗠𝗢𝗕𝗜𝗟𝗘 𝗥𝗘𝗚𝗜𝗦𝗧𝗥𝗔𝗧𝗜𝗢𝗡 𝗡𝗚 𝗟𝗢𝗖𝗔𝗟𝗖𝗜𝗩𝗜𝗟 𝗥𝗘𝗚𝗜𝗦𝗧𝗥𝗬 𝗡𝗚 𝗕𝗔𝗬𝗔𝗡 𝗡𝗚 𝗠𝗔𝗣𝗔𝗡𝗗𝗔𝗡 𝗨𝗠𝗔𝗥𝗔𝗡𝗚𝗞𝗔𝗗𝗔 𝗡𝗔𝗡𝗚 𝗠𝗔𝗠𝗔𝗛𝗔𝗚𝗜 𝗡𝗚 𝗧𝗨𝗟𝗢𝗡𝗚 𝗦𝗔 𝗠𝗚𝗔𝗥𝗘𝗦𝗜𝗗𝗘𝗡𝗧𝗘

Umarangkada nang muli sa pag-iikot ang Local Civil Registry ng bayan ng Mapandan sa mga nasasakupan nitong barangay makapag-abot ng libreng serbisyo sa mga residente.

Sa pamamagitan ng Mobile Registration project ng LGU Mapandan maaabot ng ahensya ang mga residente nito na nangangailangan ng tulong o may problema sa kani-kanilang mga dokumento gaya na lamang sa late birth registration, libreng konsultasyon para sa mga may pagkakamali sa kanilang mga birth, marriage, at death certificate maging sa libreng pagpapatala sa kasalang bayan sa taong 2024.

Una nang binisita ng naturang Mobile Registration ng Local Civil Registry noong ika-22 ng Nobyembre ang Barangay ng Nilombot, Pias, Golden, Aserda, Sta. Maria.

Sa darating na ika- 28 ng buwan hanggang unang araw ng Disyembre muli itong mag-iikot sa Brgy. AMANAWAK (Amanoaoac), Poblacion, Baloling, Coral, Lambayan, at Primicias, . Sa Disyembre 1 pupunta Ito sa Brgy. ng Jimenez, Torres, at Luyan.

Hinihimok ng LGU ang mga residenteng madadaanan ng tulong ito na tangkilikin ang serbisyong ito ng ahensya. |𝙞𝙛𝙢𝙣𝙚𝙬𝙨