CAUAYAN CITY – PATULOY NA MINO-MONITOR NG DEPARTMENT OF SOCIAL WELFARE AND DEVELOPMENT (DSWD) KASAMA ANG IBA PANG MGA AHENSYA NG PAMAHALAAN ANG KALAGAYAN NG MGA RESIDENTE SA BAYAN NG DINAPIGUE, ISABELA, MATAPOS ANG MATINDING PINSALANG IDINULOT NG BAGYONG UWAN.
BUKOD SA MGA NASIRANG BAHAY, MARAMI RIN ANG NAWALAN NG KABUHAYAN MATAPOS TANGAYIN NG MALALAKAS NA ALON ANG KANILANG MGA BANGKA AT MASIRA ANG MGA PANANIM.
SA KASALUKUYAN, NANANATILING WALANG SUPLAY NG KURYENTE SA BUONG BAYAN, AT HIRAP PA RIN ANG KOMUNIKASYON DAHIL SA KAWALAN NG SIGNAL.
HINDI RIN MADAANAN ANG MGA PANGUNAHING KALSADA PAPASOK AT PALABAS NG DINAPIGUE DAHIL SA MGA LANDSLIDE AT PAGBAHA, DAHILAN UPANG MAHIRAPAN ANG PAGDADALA NG MGA PANGUNAHING PANGANGAILANGAN SA LUGAR.
SA KABILA NITO, NANANATILING MATATAG ANG MGA MAMAMAYAN AT UMAASA SA TULONG NG PAMAHALAAN UPANG MULING MAKABANGON.
KATUWANG NG DSWD FIELD OFFICE 02 ANG OFFICE OF CIVIL DEFENSE (OCD), PHILIPPINE NATIONAL POLICE (PNP), PHILIPPINE ARMY, AT PHILIPPINE COAST GUARD (PCG) UPANG PERSONAL NA MAKITA ANG LAWAK NG PINSALA AT ALAMIN ANG AGARANG PANGANGAILANGAN NG MGA RESIDENTE SA ISINAGAWANG RAPID DAMAGE ASSESSMENT AND NEEDS ANALYSIS (RDANA).
AYON SA DSWD, PATULOY ANG KANILANG KOORDINASYON SA MGA LOKAL NA OPISYAL UPANG MATIYAK NA WALANG PAMILYANG MAIIWAN SA PAGTUGON AT PAGBABANGON MULA SA EPEKTO NG BAGYONG UWAN.
