𝗡𝗔𝗔𝗔𝗬𝗢𝗡𝗚 𝗦𝗔𝗛𝗢𝗗 𝗣𝗔𝗥𝗔 𝗦𝗔 𝗛𝗢𝗟𝗜𝗗𝗔𝗬𝗦 𝗡𝗚𝗔𝗬𝗢𝗡𝗚 𝗛𝗨𝗡𝗬𝗢, 𝗜𝗚𝗜𝗡𝗜𝗜𝗧 𝗡𝗚 𝗗𝗢𝗟𝗘

Nagbigay-abiso ang Department of Labor and Employment (DOLE) hinggil sa pay rules sa mga employers para sa darating na dalawang holiday ngayong buwan ng Hunyo.

Sa inilabas na labor advisory ng ahensya, makakatanggap ng double pay o two hundred percent (200%) ng sahod ang mga manggagawa sa pribadong sektor na magtatrabaho sa darating na June 12, Independence Day o Araw ng Kalayaan at June 17, Eid’l Adha o Feast of Sacrifice.

Tatanggap naman ng karagdagang 30% ang mga mag-oovertime sa kanilang hourly rate.

Sinabi ni DOLE Sec. Bienvenido Laguesma na kailangang masunod ang tuntunin kaugnay sa naaayong pagpapasahod sa mga naideklarang regular holidays. |𝙞𝙛𝙢𝙣𝙚𝙬𝙨