Nasa higit isang libong taxpayers at practitioners sa Ilocos region ang nakibahagi at dumalo sa information roadshow ng Bureau of Internal Revenue o BIR.
Layon ng aktibidad na ito na makapagbigay ng impormasyon sa mas madaliang pagsasagawa ng tax filing ng mga Pilipino.
Dapat na magkaroon umano ng kaalaman ang mga taxpayers at practitioners ukol sa kahalagahan ng Ease of Paying Taxes (EOPT) Law.
Ayon kay BIR Commissioner Romeo Lumagui Jr., ang naturang batas ay nagpapadali sa pagbabayad ng tax na siyang adhikain ng BIR upang mapataas ang voluntary compliance ng bawat indibidwal at maging isa sa nakikitang makakatulong sa economic development.
Samantala, sa pamamagitan rin ng pamamaraan na ito ng BIR ay matitiyak na magkakaroon ng malawak pang pagkakaintindi ang mga taxpayers ukol sa kanilang obligasyon. |𝙞𝙛𝙢𝙣𝙚𝙬𝙨
