Dahil sa mataas na kaso ng trangkaso ang naitala sa lalawigan ng Pangasinan muling nagpaalala ang mga health authorities na magsagawa ng mga preventive measures upang makaiwas sa mga posibleng sakit gaya ng trangkaso.
Sinabi ni DOH-CHD1 Medical Officer IV Dr. Rheuel Bobis na kapag hindi sumusunod sa mga itinalagang public health standards gaya ng pagsusuot ng facemask at ang pagluwag sa mga restrictions na kadalasang maraming tao ang gumagalaw ay isang dahilan kung bakit tumaas ang kaso ng trangkaso.
Ilan lamang sa mga kailangang gawin upang makaiwas sa sakit ay magpabakuna o kumuha ng Flu Vaccine sa mga Health centers o RHUs kung saan ibinibigay lamang ito ng libre.
Hinikayat din niya ang publiko na iwasan ang mga matataong walang maayos na bentilasyon dahil madaling kumalat ang mga airborne disease sa naturang mga lugar.
Dagdag pa rito ang tamang pagkain ng mga masusustansyang pagkain upang makakuha tamang nutrisyon.
Matatandaan na sa lalawigan ng Pangasinan ay mayroong mahigit tatlong libong kaso ng influenza like-illnesses ang naitala noong 2023. |𝙞𝙛𝙢𝙣𝙚𝙬𝙨
