Umani ng papuri sa social media ang pagpapalabas ng ulat panahon sa Led wall na nasa harapan ng Minor Basilica of Our Lady of Manaoag sa Kabila ng Bagyong Kristine.
Kahapon, pagpatak sa Oras ng angelus, tumigil ang lahat ng sasakyan at motorista sa harap ng simbahan upang manalangin na sinundan naman ng pagpapalabas ng ulat panahon mula sa DOST-PAGASA.
Ayon sa isang netizen, magamit ang tunay na layunin ng led wall upang magpakalat ng mga napapanahon at tamang balita sa panahon ng sakuna.
Ilan pa sa mga ito sinabi na kailangang tularan ang naturang hakbang ng LGU lalo na ngayong malaking gampanin ang maalam sa panahon ng bagyo.
Noong nakaraang taon inilagay ang naturang led wall upang malaman ng publiko ang mga mahalagang anunsyo, live updates, programa at iba pa. |𝙞𝙛𝙢𝙣𝙚𝙬𝙨
