𝗣𝗔𝗚𝗦𝗔𝗦𝗔𝗚𝗔𝗪𝗔 𝗡𝗚 𝗘𝗔𝗥𝗧𝗛𝗤𝗨𝗔𝗞𝗘 𝗗𝗥𝗜𝗟𝗟 𝗦𝗔 𝗚𝗔𝗕𝗜, 𝗛𝗜𝗡𝗜𝗞𝗔𝗬𝗔𝗧 𝗡𝗚 𝗢𝗖𝗗 𝗥𝟬𝟮

CAUAYAN CITY – Hinihikayat ng Office of Civil Defense (OCD) Region 02 ang lahat ng LGU sa rehiyon na magsagawa ng earthquake drill sa gabi.

‎Ayon kay OCD Regional Director Leon Rafael, bagama’t may isinasagawang quarterly na earthquake drill, mahalaga rin na gawin ang hakbang sa gabi dahil maaaring tumama ang lindol anumang oras.

‎Sa ganitong paraan, mas magiging handa at maalam ang komunidad sa mga ganitong sakuna.

‎Tinututukan rin ng ahensya ang pagpapalakas ng paghahanda sa banta ng lindol at tsunami.

‎Ibinahagi rin nila na nakikipag-ugnayan sila sa PHIVOLCS at iba pang ahensya upang makagawa ng tsunami simulation, matukoy ang mga apektadong lugar, at magplano ng ligtas na evacuation centers.