Cauayan City – Sinang-ayunan ni Isabela Governor Rodito T. Albano ang hakbang ng pambansang gobyerno na tugunan ang kakulangan sa silid-aralan sa pamamagitan ng paglagda sa Memorandum of Agreement (MOA) kasama ang DepEd at ibang gobernador noong Pebrero 11 sa Malacañang Palace.
Layunin ng kasunduan na pabilisin ang konstruksyon ng mga silid-aralan sa buong bansa, kung saan DepEd ang magbibigay ng disenyo, pamantayan, at pondo, habang ang mga lokal na pamahalaan ang mangunguna sa pagbili ng materyales at aktwal na konstruksyon.
Ayon sa DepEd, higit 145,000 silid-aralan pa rin ang kulang hanggang Disyembre 2025, dahilan para magsagawa ng klase sa pansamantalang lugar gaya ng basketball court o bukas na espasyo, at paminsang shifting schedule.
Binigyang-diin ni Pangulong Ferdinand R. Marcos Jr. at ni Gov. Albano na malaking hakbang ang MOA upang masigurong bawat batang Pilipino ay may ligtas at maayos na silid-aralan.
Source: Isabela PIO
————————————–
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
