Patuloy na nakatutok ang Pamahalaang Panlalawigan sa sitwasyon ng probinsya kaugnay sa nararanasang tagtuyot.
Ayon kay Pangasinan Vice Governor Mark Lambino, hinihintay nila ngayong linggo ang report mula sa Provincial Agriculture Office at ng Provincial Disaster Risk Reduction Management Office at kung ano ang magiging rekomendasyon nila kaugnay dito.
Ayon sa opisyal, na inirerekomenda ng Agricultures office at DRRM office ng probinsiya ang pagsasailalim sa probinsiya sa State of Calamity ay handa umanong magsagawa ng Special Session ang Sangguniang Panlalawigan kaugnay dito.
Sa ngayon ay may mga lugar sa Pangasinan ang nakaranas na rin ng tagtuyot at kakapusan ng tubig sa mga sakahan dahil sa patuloy na mainit na panahong nararanasan sa buong Pilipinas lalo na sa lalawigan ng Pangasinan. |𝙞𝙛𝙢𝙣𝙚𝙬𝙨
