Pamemeste ng mga uod sa ilang tanim na mais ang nararanasan ngayon ng ilang magsasaka sa bayan ng Calasiao.
Problema umano nila ang mga uod na umuubos sa ilan nilang tanim na mais na nasa apat na buwan rin nilang hinintay at inalagaan bago anihin.
Ngayon, naguumpisa nang mag-ani ng tanim na mais ang ilan sa mga magsasaka sa bayan ngunit sa tantsa nila, hindi na umano umaasa ang ilan sa kanila na mababawi ang kanilang ipinuhunan sa mga naturang tanim dahil sa pamemeste ng mga uod.
Hinihikayat naman ng Municipal Agriculture Office ang mga magsasaka na direktang sumangguni at mag report sa kanilang tanggapan kung sakali man na nakararanas ang kanilang taniman ng pamemeste.
Nagsasagawa rin ang naturang opisina ng monitoring para sa mga maaaring tulong na maipamahagi sa mga magsasakang apektado ng pamemeste ng mga uod. |𝙞𝙛𝙢𝙣𝙚𝙬𝙨
