Ipinanawagan ng Police Regional Office 1 ang patuloy na pagsugpo sa krimen ngayong Crime Prevention Week.
Ayon sa Chief of Community Affairs Section ng Regional Community Affairs and Development Region ng PRO1 na si PMAJ Mark Lagmar, hindi lang dapat umano ngayong Crime Prevention Week pinagtitibay ang pagsulong ukol rito bagkus ay dapat sa buong taon.
Hindi rin lamang dapat PNP, BJMP, NAPOLCOM, law enforcement agencies o organizations ang nangangalaga sa pagsugpo ng kriminalidad at nagpapanatili ng seguridad sa rehiyon bagkus lahat ay dapat kaisa sa pagpapalakas nito.
Isa sa mga hinihikayat ng tanggapan ay ang pakikiisa ng mga kabataan na Silang magiging susunod na lider ng bansa.
Binigyang diin nito ang kahalagahan ng mga kabataan sa pag-alam ng batas at seguridad ng bansa laban sa kriminalidad. |𝙞𝙛𝙢𝙣𝙚𝙬𝙨
