Cauayan City – Nabigyan ng pansamantalang hanapbuhay ang mga Persons Deprived of Liberty (PDLs) sa lalawigan ng Nueva Vizcaya sa pamamagitan ng Tulong Panghanapbuhay sa Ating Disadvantaged/Displaced Workers (TUPAD) program ng Department of Labor and Employment–Nueva Vizcaya Field Office (NVFO).
Isinagawa ang programa katuwang ang Bureau of Jail Management and Penology, Provincial Jail, at mga lokal na Public Employment Service Office (PESO) kung saan umabot sa 123 PDL mula sa Provincial Jail at BJMP ang nakinabang sa programa.
Nagsagawa ng monitoring ang DOLE NVFO TUPAD Coordinators upang tiyakin ang pagsunod sa mga alituntunin ng programa, beripikahin ang aktibong partisipasyon ng mga benepisyaryo, at masiguro ang maayos na pagsasagawa ng kanilang mga gawain.
Sa kabila ng kanilang pagkakakulong, nakilahok ang mga PDL sa iba’t ibang gawaing pangkomunidad tulad ng community gardening, paglilinis ng kalsada at bangketa, declogging ng kanal, at waste management, dahilan upang sila ay kumita ng pera.
Sa pamamagitan ng TUPAD, patuloy na isinusulong ng DOLE–NVFO ang rehabilitasyon at pagpapalakas ng komunidad sa buong Nueva Vizcaya.
————————————–
Para sa update at iba pang mga balita, bisitahin ang aming facebook page 98.5 iFM Cauayan at ang aming website, www.rmn.ph/985ifmcauayan.
#985ifmcauayan
#idol
#numberone
#ifmnewscauayan
