𝗣𝗡𝗣 𝗘𝗖𝗛𝗔𝗚𝗨𝗘, 𝗣𝗜𝗡𝗔𝗜𝗚𝗧𝗜𝗡𝗚 𝗔𝗡𝗚 𝗦𝗘𝗚𝗨𝗥𝗜𝗗𝗔𝗗 𝗦𝗔 𝗣𝗨𝗕𝗟𝗜𝗞𝗢

Cauayan City – Nagsagawa ng mas pinaigting na pagpapatrolya at police visibility ang mga tauhan ng Echague Police Station sa iba’t ibang lugar.

Kabilang rito ang mga establisyimento, mahahalagang pasilidad, at mga pampublikong lugar sa kanilang nasasakupan.

Bahagi ito ng kanilang mga hakbang sa seguridad upang maiwasan ang anumang uri ng kaguluhan at mapigilan ang mga masamang balak ng mga elementong nagtatangkang maghasik ng karahasan.

Ang presensya ng kapulisan ay layong bigyan ng katiwasayan ang mga mamamayan at negosyante sa lugar.

Patuloy ang kanilang pagbabantay sa mga lugar ng convergence upang masigurong handa ang kanilang puwersa laban sa anumang banta sa kaligtasan ng publiko.