𝗣𝗡𝗣 𝗣𝗔𝗡𝗚𝗔𝗦𝗜𝗡𝗔𝗡, 𝗠𝗔𝗛𝗜𝗚𝗣𝗜𝗧 𝗡𝗔 𝗕𝗔𝗕𝗔𝗡𝗧𝗔𝗬𝗔𝗡 𝗔𝗡𝗚 𝗠𝗚𝗔 𝗣𝗔𝗠𝗣𝗨𝗕𝗟𝗜𝗞𝗢𝗡𝗚 𝗦𝗘𝗠𝗘𝗡𝗧𝗘𝗥𝗬𝗢 𝗡𝗚𝗔𝗬𝗢𝗡𝗚 𝗔𝗥𝗔𝗪 𝗡𝗚 𝗨𝗡𝗗𝗔𝗦

Tututukan ng Pangasinan Police Provincial Office ang mga pampublikong sementeryo sa lalawigan ngayong araw ng Undas.

Ayon kay Provincial Director Police Colonel Rolly Capoquian, naglagay ang hanay ng pulisya ng police assistance desk sa entrance at exit ng mga sementeryo upang masiguro ang seguridad at kaligtasan ng mga bibisita sa kanilang mga yumao.

Aniya, karamihan umano sa mga public cemeteries ay mayroong back door o lagusan na maaring dahilan upang maipasok ang mga ipinagbabawal sa sementeryo.

Nagkaroon din ng koordinasyon sa mga ambulant vendors upang maiwasan ang pagbebenta sa loob mismo ng sementeryo.

Samantala, payo ni Capoquian bago umalis patungo sa mga sementeryo siguraduhing na i-secure ang tahanan. |𝙞𝙛𝙢𝙣𝙚𝙬𝙨