Isasagawa sa Sta. Monica Parish, Agoo, La Union ang pontifical coronation ng Nuestra SeΓ±ora de Caridad de Agoo Our Lady of Charity ngayong araw kung saan kokoronahang muli at aalayan ng rosaryo ang imahen bilang Queen of the Holy Rosary.
Ang pagdiriwang ay alinsunod sa naunang anunsyo ng Santo Papa dahil sa makabuluhang epekto ng imahen sa buhay ng mga deboto. Pangungunahan ng kasalukuyang Apostolic Nuncio o Papal Nuncio ng Pilipinas na si Most Rev. Charles John Brown, D.D. ang banal na misa na inaasahang dadagsain ng mga deboto sa La Union at karatig lalawigan.
Dahil dito, ipatutupad ang traffic rerouting scheme sa lahat ng mananakay at motorista dahil sa pagsasara ng national highway simula 6AM hanggang 8AM.
Sa ilalim ng rerouting plan, magsisilbing alternate route ng lahat ng motorista ang Sto. Tomas- Rosario Road at Aspiras Highway patungo sa bayan ng Pugo. Tiniyak ng lokal na pamahalaan ang kaligtasan at seguridad ng publiko kaugnay ng makasaysayang pagtitipon sa bayan. |πππ’π£ππ¬π¨
