𝗣𝗥𝗘𝗦𝗬𝗢 𝗡𝗚 𝗞𝗥𝗨𝗗𝗢, 𝗣𝗢𝗦𝗜𝗕𝗟𝗘𝗡𝗚 𝗠𝗔𝗬 𝗣𝗔𝗚𝗚𝗔𝗟𝗔𝗪 𝗦𝗔 𝗦𝗨𝗡𝗢𝗗 𝗡𝗔 𝗟𝗜𝗡𝗚𝗚𝗢

Inaasahan sa susunod na linggo ang muling paggalaw sa presyo ng mga produktong langis sa merkado.

Matatandaan na sa kasalukuyan ay epektibo ang nararanasang ikaapat na linggo na rollback sa mga petrolyo.

Sa susunod na linggo, maaaring matapos na ang serye ng tapyas presyo at posibleng magkaroon muli ng oil price hike.

Ayon sa datos ng 4 Day trading, posibleng may pagtaas na nasa 20 hanggang 40 cents sa kada litro ng Diesel habang nasa 35 hanggang 50 cents naman ang maaaring itaas sa kada litro ng Kerosene.

Samantala, isang nakikitang salik sa taas presyo ang pagbabawas sa produksyon ng krudo ng mga kabilang sa Organization of the Petroleum Exporting Countries o OPEC. |𝙞𝙛𝙢𝙣𝙚𝙬𝙨